Napasinghap si Jeany nang maalala ang sinabi ni Yule kahapon; at siyang dahilan kung bakit nandito siya ngayon sa loob ng opisina ni Nicolo. Kasama niya ang kanilang anak. Desidido na siya sa pinaplano niya.
"Sana hindi kami nakaistorbo sa'yo. Itong anak mo kasi, eh. Panay ang tawag ng Dada at Papa raw. Nami-miss ka yata," katuwiran ni Jeany bago pa man magtanong si Nicolo kung ano ang ginagawa nila roon.
Itinigil nito ang pagbabasa ng files sa laptop para salubungin silang mag-ina. Kita ang pag-aliwalas nang makita sila. "At bakit naman kayo makakaistorbo sa'kin? Eh, kayo nga ang energy ko, eh. Lalo na ang cute na cute na baby na ito." Yumukod si Nicolo at kinarga ang anak. Napangiti naman si Jeany sa narinig. "Na-miss mo ba ang Papa? Hmm?" paglalambing nito sa anak habang ginugulo ang
