Five years later...
Piedmont, West Virginia, USA
MGA limang oras din ang naging biyahe ni Nicolo bago siya nakarating sa maliit na bayan ng Piedmont.
Hindi niya akalain na doon matatagpuan ang taong ilang taon na niyang hinahanap. Malayong-malayo ang ang pamumuhay sa lugar na iyon kumpara sa nakagisnan nitong buhay.
Ilang sandali pa ay natunton na ni Nicolo ang bahay ng kaniyang hinahanap. Nakatayo iyon sa gitna nang malawak na damuhan at malayo sa ibang kabahayan. Two-storey at kulay-puti ang pintura. May mababang bakod na yari lamang sa kahoy. Sa maliit na garahe ay may nakaparadang kulay asul na kotse na sa tantiya ni Nicolo ay wala pa sa one-fourth ang presyo sa dati nitong mga sasakyan.
Parang may kumirot sa puso niya nang makita ang kalagayan nito. Dali-dali niyang inayos ang
