KATATAPOS lang ng meeting ni Jeany sa event planner ni Brandon Sandoval para sa ibang detalye ng catering. Kadalasan ay si Sassy ang humaharap sa ganitong meeting. Pero nagkataon na may kausap din ito na ibang kliyente.
Bago umuwi ay dumaan muna sa mall si Jeany para bumili ng laruan ni baby Nico na ipinangako niya kahapon. Mahilig sa bola at gitara ang kaniyang anak kaya iyon ang hinanap ni Jeany sa toy section.
Habang namimili ay natanaw ni Jeany ang isang pamilyar na bulto ng katawan ng lalaki na tumingin-tingin sa mga pambabaeng laruan. Gumilid ang lalaki nang abutin nito ang isang malaking Barbie doll house. Sumirko ang kaniyang puso nang makilala ang lalaki.
Nicolo.
Marahil ay naramdaman nito ang presensiya niya kaya lumingon ito. Lumakas ang kaba sa puso ni Jeany nang tanggali
