"MABUTI naman po at bumalik na kayo, Ma'am Jeany. Miss na miss po namin kayo," masayang bungad sa kaniya ni Mang Pico nang pagbuksan siya nito ng gate sa mansiyon ni Nicolo. Nagpalipat-lipat ang tingin nito sa kaniya at sa kalong niyang si baby Nico. Ngunit hindi naman nagtanong.
"Na-miss ko rin po kayong lahat." Nginitian ito ni Jeany bago alanganing nagtanong. "N-nadiyan po ba si Nicolo?"
"Opo, Ma'am Jeany. Pasok lang po kayo."
Pinakiramdaman muna ni Jeany ang paligid kung nandito rin ba ang pamilya ni Nicolo. Pero tahimik. Wala siyang naririnig na boses ng mga bata. At inaamin niya na nakahinga siya nang maluwag.
Sinamahan siya ni Mang Pico hanggang sa sala para bitbitin ang dala niyang maliit na bag na may mga lamang gamit ni baby Nico. Pagdating nila sa loob ay napansin kaagad ni
