AKALA ni Jeany ay babalik na sila sa resthouse pagkatapos nilang mag-shopping sa mall; kung saan sila dumiretso pagkagaling sa Kamay ni Jesus. Pero pinagpalit pa siya ni Nicolo ng casual dress dahil kakain daw muna sila sa restaurant bago umuwi.
"Magdi-dinner muna tayo para hindi tayo magutom sa biyahe," sabi nito pagkababa nila ng sasakyan sa tapat ng isang mamahaling kainan.
Sandaling natigilan si Jeany nang mapagmasdan ang nobyo. Napakaguwapo nito sa suot nitong tone-on-tone outfit. Kulay gray ang top na long sleeve polo shirt at may shades din ng gray ang kulay itim na denim jeans. He looks very modern.
"Pasado na ba ako sa paningin ng angel ko?"
Parang natauhan na kumisap si Jeany nang magsalita si Nicolo. Nakaguhit ang simpatikong ngiti sa mga labi nito. "You look so perfect toni
