"WOW na wow naman! Totoo ba talaga itong nakikita ko?! Hindi ba ako nananaginip o nagha-hallucinate lang?"
Nalula si Jeany nang makita mula sa paanan ang napakalaking statue ni Hesus na nakatayo sa tuktok. Mula sa kinatatayuan ay kitang-kita rin ang daan-daang baitang, kung saan ay pilit inaakyat ng mga tao para lang makarating sa malaking estatwa. Para iyong matayog na pangarap na hindi sinusukuan ng lahat.
Naisip ni Jeany na siguradong tuwang-tuwa sana ang kaniyang mga magulang kapag nakita iyon. Ganoon pa man ay iniwasan na niya ang maging emosyonal.
"Are you ready to climb?" untag sa kaniya ni Nicolo bago siya inakbayan. "Remember, three hundred five steps iyan."
"Matagal ko na itong pangarap. Kaya matagal ko nang pinaghandaan," nakangiti na biro niya.
Malapad ang ngiting gumuh
