MASAYANG binuksan ni Jeany ang bintana ng kotse nang makitang mas mabundok na ang dinadaanan nila.
"Paalala ko nga pala sa'yo na may madadaanan tayong mga bangin, ha," sabi ni Nicolo. "Baka malula ka. Medyo zigzag din ang susunod na kalsada na dadaanan natin."
"Iyon nga ang view na gusto kong makita, eh. Hindi pa kasi ako nakakita ng totoong bangin. Alam mo naman sa Cebu, mas malapit kami sa dagat."
Mahigpit na hinawakan ni Nicolo ang kamay niya nang dumungaw siya sa bintana. "Huwag mo lang masiyadong ilabas ang ulo mo dahil baka may mabilis na sasakyan ang dumaan," para siyang bata na pinaalalahanan nito.
Napangiti lang si Jeany sa sobrang pag-aalala ng lalaki sa kaniya. Kung makakapit ito sa kamay niya ay parang takot na takot na mahulog siya. Kung hindi lang ito nagmamaneho, sigur
