PAGKAGISING na pagkagsing ni Jeany ay kaagad niyang hinanap si Nicolo sa tabi niya. Tinambol ang kaniyang dibdib nang wala ito roon. Kahit T-shirt lang nito ang suot niya at walang ano mang panloob ay patakbo siyang lumabas ng kuwarto para hanapin ito.
Lumakas ang kaba niya nang hindi niya ito nakita sa loob ng resthouse. Tinawag niya ito sa lahat ng sulok. "Sir Nic! Nic!" ngunit kahit anong tawag niya ay wala talaga ito roon.
Parang gusto nang maiyak ni Jeany nang sa paglabas niya ng bahay ay wala rin doon si Nicolo, pati ang sasakyan nito ay wala rin.
Iniwan mo na ba ako, Sir Nic? Bumalik ka na ba kay Gwen at sa mga anak n'yo?
Eksaktong humahapdi na ang kaniyang mga mata nang dumating ang kulay itim nitong kotse.
"Sir Nic!" Tuwang-tuwa na sinugod niya ito ng yakap nang makababa
