NAWINDANG si Jeany sa ginawa ni Nicolo. Hindi niya akalain na ganoon ang magiging epekto rito nang pagsasabwatan nilang tatlo nina Yule at Ivan para pagselosin ito.
Hindi totoo na may meeting siya kanina sa event planner ni Brandon Sandoval. In fact, nakipagkita siya kay Ivan para sa pinaplano nila. Sinadya ni Jeany na dedmahin ang mga tawag at text ni Nicolo para sundan siya nito. Alam nila na tatawagan nito si Yule para alamin ang lokasyon niya. At kaagad nitong ipinaalam sa kaniya ang pagpunta ni Nicolo sa Shangri-La Plaza kaya nag-set up sila ni Ivan na kunwaring nagde-date. At may ideya sila sa pagmamasid ni Nicolo kaya naglambingan sila kunwari.
Pati ang pagpunta nila sa rest room na magkasabay ay palabas lang din. Tawa pa nga sila nang tawa nang makitang muntik nang gumulong si N
