Tokyo, Japan
PAGDATING pa lang ni Nicolo sa mansiyon nila sa Tokyo, sinalubong na siya ni Kuya Haru na namumula sa galit ang mukha. Muntik na siyang natamaan ng kamao nito sa panga kung hindi siya nakailag.
Siguradong natanggap na nito ang mga file na ipinadala niya sa email nito bago pa siya lumipad papunta rito sa Japan. Mga ebidensiya iyon na sapilitan nitong binili ang maliliit na stocks ng Shimizu Motor Company. Halos karamihan doon ay pinadalhan ni Kuya Haru ng death threat para lang pumayag. Pati na rin ang mga kalaban nito sa bidding para makakuha ng location and commercial space para sa branches ng naturang kumpanya ay tinakot din na papatayin kapag hindi nagpatalo.
Bukod doon ay naipadala na rin ni Nicolo sa kapatid niya ang ebidensiya na nagpapatunay na sinabotahe nito ang
