MAAYOS at walang problemang nakarating sa Poblacion sila Vance at Rafael. Pero kararating lang nila ay naging abala na agad ito sa pack dahil sa tagal din nitong nawala. Mukhang meron rin kinakaharap na problema ang Poblacion.
Tatlong araw na mula nang umuwi sila rito at sa tuwing gigising siya ay parati ng wala si Vance sa tabi niya at sa gabi naman ay natutulog siya na wala ito, magigising na lang siya na mahimbing na itong natutulog sa tabi niya. Bakas sa mukha nito ang pagod kaya hindi na niya ito magawa pang gisingin.
Nilibot niya ang mga mata sa kabuohan ng kwarto at hindi niya maiwasang hindi mapangiti dahil wala pa rin 'yun pinagbago. Nasa ayos pa rin ang mga gamit niya kung saan niya yun iniwan. Ultimo ang mga gamit niya sa office table ay nanatili pa rin sa ayos at ang lubos ni
