KUNOT ang noong hinarap ni Rafael ang babae. Tumingin siya sa pwestong kinaroroonan niya at muling ibinalik sa misteriyosong babae. Isa ba ito sa mga kasambahay nila Karrim? Pero sa tingin niya hindi.
"You know me?"
Tiningnan siya nito mula ulo hanggang paa at muling bumalik sa mukha niya. "It doesn't matter. Ang mahalaga ligtas ka."
Lalo siyang naguluhan sa sinabi nito. Paano nito nalaman ang nangyari sa kanya? Sino ba talaga ito? Pero bakit pakiramdam niya, kilala niya ito?
Magsasalita sana siya nang tawagin siya ni Fan kaya mabilis na bumaling ang tingin niya rito. Pero nang muli niyang lingunin ang misteriyosong babae ay wala na ito sa kinatatayuan nito.
Saan ito nagpunta? Imposible naman na agad itong makakaalis na hindi man lang niya naririnig ang yabag nito.
"Anong problema?"
