NAPATAYO si General Elias nang makita niya ang paparating na tatlong truck habang hinahabol ito ng mga zombies. Agad siyang nagtungo sa borderline upang makiusap na pagbuksan sila.
“Pakibuksan ang gate! Pakibuksan ito!” wika niya dito habang pinupukpok ng kaniyang kamao ang bakal na gate.
Nang mapansin ito ni Captain Gael ay agad siyang nagtungo sa gate pagkuwan ay binalabag niya ito.
“Hoy! Mamamatay kami kung hindi niyo bubuksan ang gate!” sigaw ni Captain Gael.
Nang mapansin ‘yon nina Miya at Xavier ay lumapit sila sa mga nakabantay na sundalo dito at nakiusap na pagbuksan sina General Elias.
“Parang awa niyo naman po, Sir kung hindi niyo pagbuksan sila. Maawa po kayo sa mga gusto pang mabuhay,” pakiusap ni Miya sa sundalo pagkuwan ay nagpakita na si Commander in Chief na si Diovan
