NASA GITNA sila ng daan nang biglang huminto ang sasakyan. Hinampas ng sundalo ang manibela nang makailang ulit na niyang sinusubukang i-restart ang makina ngunit di na ito gumagana.
“Anong nangyari?” tanong ni General Elias sa driver.
“Hindi na po gumagana ang makina, General.”
“Hindi kaya naubos na ang galusina?”
Agad na tiningnan ng driver ito at kaniya itong tinuro nang matanaw na nasa kalahati pa lang gasolina. Maingat na bumangon si Captain Gael sa kaniyang higaan saka niya inusisa ang problema ng sasakyan nang pumunta siya sa driver’s area.
“Subukan mo nga ulit paandarin ang makina,” pakiusap ni Capatin Gael dito kaya muling ni-restart ng sundalo ang makina ngunit gano’n pa rin ang resulta.
“Sira na po ang makina, General. Kailangan natin buksan ang sasakyan para i-check ang
