NGINIG na binuksan ni Xavier ang pinto ng kuwarto at kaniyang ginala ang mata upang subukan ang sarili kung talagang epiktibo ang langis na pinahid nila. Napalunok siya ng laway nang nilabas niya ang kaniyang ulo hanggang sa biglang may nagpakita sa harap niya isang nakakatakot na mukha ng zombie, duguan ang mukha at bibig na tantya niyang katatapos lang itong kumain ng tao. “Whoa!” sigaw niya dito nang makasalubong niya ang zombie pagkuwan ay umatras siya hanggang sa mapasandal siya sa pinto habang inuusisa at inaamoy siya ng zombie. Muling gumalaw ang lagukan ni Xavier at napapigil siya ng paghinga nang lumapit ang mukha nito sa kaniya. Nanalangin siya sa isip na sana hindi siya mahuli at maging epiktibo nga ang Hydrangea. Ilang sandali pa ay tila bagang lumayo ang zombie sa kaniya na