CHAPTER 33
PILIT na tinatanggal ni Miya ang lubid sa kaniyang kamay. Nilinga niya ang kaniyang paligid habang ginagawa ‘yon. Kailangan niyang makatakas bago pa maabutan ni Thanatos ang pagdating ng kaniyang mga kaibigan.
“Psst! Nauuhaw na ako. Baka naman puwede niyo akong painumin?” pakiusap niya dito nang matanggal na ang lubid sa kamay niya. Dalawang kawal na lang kasi ang nagbabantay sa kaniya kaya kailangan niyang paalisin ang isa bago niyang patayin ang maiiwan.
“Sige. Kukuha lang ako ng tubig,” ani ng kawal kaya lumabas ito at naiwan ang isa.
“A—aray!” sigaw ni Miya na kunwaring nasasaktan ito kaya dagling lumapit ang naiwang kawal sa kaniya. May nakita si Miya na matulis na bagay na malapit sa kaniya kaya agad niya itong kinuha.
“Ano pong nangyayari?” pag-aalalang tanong ng ka
