Nasaan ka?!
Pabaling-baling ang aking paningin habang pinipigilan ko ang aking paghinga.
Malakas ang agos ng tubig. Pilit ako nitong tinatangay sa kung saan. Nilulunod ako sa sobrang lakas ng agos at hampas sa aking katawan habang nahihirapan akong gumalaw at hanapin siya sa kailaliman.
Malapit na rin akong maubusan ng hangin. Pinipilit ko pa ring ibigay ang buo kong lakas na makakampay ang aking mga kamay at maipadyak ko ng malakas ang aking mga paa sa rumaragasang tubig.
Kailangan ko siyang mahanap! Nasaan ka?!
Umangat ako sa tubig upang makakuhang muli ng hangin kahit nahihirapan na ako. Nanghihina na ang katawan ko ngunit hindi ako susuko!
Muli akong lumubog. Madilim, marumi at malakas ang agos ng tubig dahil sa gabi at malakas ang bagyo sa mga oras na ito. Pero hindi ito ang nak
