"Papa!" sigaw ko rin sa kanya.
Nakipagsagutan siya ng putok sa mga tauhan ni Estella at ang ilan sa kanila ay bumagsak na.
"Ah!" napadaing ako sa sakit nang biglang may humiklas muli ng aking buhok at may matigas na bagay akong naramdaman na lumapat sa ulo ko.
"Lumabas ka d'yan kung sino ka mang Pulis na pakialamero kung ayaw mong pasabugin ko ang bungo ng anak mo!" sigaw ni Estella habang hawak niya ako ng mahigpit.
Biglang tumahimik ang paligid. Maya-maya ay dahan-dahan nang lumabas sa kaniyang pinagtataguan ang aking ama.
"Ihagis mo dito ang baril mo kung ayaw mong sumabog ang ulo nito!" sigaw muli ni Estella at mas hinigit pa ang aking buhok.
"Ah!"
"Estella, tama na!" sigaw muli ni Rick ngunit agad din siyang tinutukan ng baril ng iba pa nilang kasama.
"Manahimik ka! Huwag kang
