Chapter Fifteen
"Garrie, huwag sa malalim," bilin ng lalaki habang nakaupo sa buhanginan. Nakamasid ito sa akin at nagbabantay. Hindi rin naman ako sobrang tapang. Sakto lang. Hindi ako maglalakas ng loob na pumunta sa parteng hindi ko kayang languyin. Sumisid pa ako. "Garrie?" tawag nito. Agad akong umangat at nagtaas ng kamay para kawayan ito.
"I'm here," ani ko. Halatang stress na ito sa pagbabantay sa akin.
"Umusog ka rito sa mababaw," itinuro pa nito ang spot na mababaw lang. Pero sa kabilang side ako lumangoy. "Anak ng teteng! Matigas ang ulo, Garrie!"
"Chill ka nga lang d'yan, gov. Naliligo iyong tao tapos ang gulo-gulo mo."
"At ako pa ang magulo? Inaalala ko lang ang safety mo, Garrie."
Nagtatalak ito pero muli lang akong lumangoy. Sumisid kaya may katagalan sa ilalim. N
