MAG-UUMAGA na nakauwi ng bahay si Maya at malamang ay tulog na si Yoshin sa kuwarto nito. Ilang araw na silang magkahiwalay ng kuwarto bilang parte ng hinampo niya. Wala pa rin itong balak bilhan siya ng aso kaya hindi siya babalik sa kuwarto nito.
Dumiretso muna siya sa kusina at napangiti nang mapansin ang bagong baked na cookies sa lamesa. Nagtimpla siya ng hot chocolate at kumain. Alas-kuwatro na ng madaling araw. Natagalan siya sa bar dahil nag-inventory pa sila. Nang mabusog ay saka lang siya pumasok ng kuwarto.
Ngunit pagbukas ng pinto ay ginulantang siya ng lalaking nakahiga sa kan’yang kama. Mahimbing ang tulog ni Yoshin, nakadipa pa nga at bahagyang nakanganga ang bibig. Itim na boxer lang ang suot nito.
Ibinagsak niya sa couch ang kan’yang bag at namaywang. “Kita mo, hindi ta
