NANAKIT ang buong katawan ni Maya kaya hindi siya bumangon nang magising, alas-dos ng hapon. Mabuti hindi naman siya ginising ni Yoshin. Tahimik ang bahay kaya inisip niya na umalis si Yoshin.
Makalipas ang ilang minuto ay bumukas ang pinto at pumasok si Yoshin, may dalang pagkain na nasa tray. “Here’s your late lunch. Get up and eat,” anito.
Sinipat niya ito habang tuwid ang kan’yang higa. Wala pa siyang suot na kahit ano at natatakpan lang ng kumot ang katawan.
“Bigyan mo naman ako ng damit,” aniya. Kumilos din siya at umupo.
Inilapag ni Yoshin sa mesita ang tray ng pagkain at kumuha ng damit niya sa closet. Tiningnan niya ang pagkain. Malaking hiwa ng tuna steak ang ulam na merong broccoli at carrots sa gigilid, sibuyas na bilog ang hiwa at malalaki. Ang carbohydrates ay mashed pota
