KAIN-TULOG lang ang ginawa ni Maya habang nasa biyahe sakay ng eroplano. Panay-panay rin ang meeting ng mga lalaki at hindi na siya nakisawsaw. Nasasabik na rin siyang makaapak ulit sa Italy, pero sabi ni Yoshin ay diretso na sila sa Sicily, sa headquarters ng mga ito. Una nilang pupuntahan ang lolo nito para makipag-areglo.
Madaling araw nakalapag ang eroplano sa Sicily at sa mismong property ni Vladimir na merong paliparan. Iba na ang time zone roon kaya hindi niya malaman kung paano mag-adjust. Nawala rin ang pagkahilo niya na ilang oras din niyang dinanas.
“Maya, we’re here,” sabi ni Yoshin nang sumilip ito sa kuwarto.
Nag-ayos na rin siya ng gamit. “Bitbitin mo itong maleta natin,” aniya.
Tuluyang pumasok si Yoshin at binitbit ang maleta. Shoulder bag lang ang kan’yang dala at ang
