KINABUKSAN ay hindi pa rin nakapag-adjust ang katawan ni Maya sa time zone. Alanganin ang tulog niya. At nang magising siya ay ginupo na naman siya ng matinding pagkahilo. Sa halip na siya ang magluto ng almusal ay si Yoshin na ang kumilos.
Nakatulog siya ulit at ginising lang siya ni Yoshin upang kakain. Nawala rin ang kan’yang hilo. Naligo kaagad siya dahil parating na umano ang daddy ni Yoshin. Wala pa siyang naisip na menu para sa lunch. Mabuti nag-marinate na si Yoshin ng tuna belly. Hindi umano kumakain ng kanin ang tatay nito, pasta lang o patatas ang carbohydrates. Hindi na siya nagtaka dahil halos lahat ng Itaian ay pasta o patatas ang main source of carbohydrates.
Nahilig lang naman sa kanin si Yoshin dahil sa mommy nito, pero may portion control at hindi every meal ang consump
