BIYERNES ng hapon ang napagkasunduan nina Yoshin at lolo nito na magkikita sa main office at headquarters ng GMU. Maagang nagising si Maya upang sana’y maghanda ng almusal pero inatake na naman siya ng pagkahilo. Pinaalala lang nito sa kan’ya na kailangan na niya mag-pregnancy test.
Naghintay siya ng ilang minuto bago kumilos. Humupa rin ang kan’yang hilo kaya pumasok siya ng banyo dala ang pregnancy test kit na dalawa. Isinabay niyang nilagyan ng ihi ang dalawang PT kit. Nang tingnan niya ang resulta ay nagulantang siya dahil parehong positive.
“Hala! May baby na ako!” sabik niyang bulalas. Napatili pa siya sa tuwa.
Binalot niya sa tissue ang test kit at susorpresahin niya si Yoshin oras matapos na ang problema nila. Ayaw niya itong ma-distract. Paglabas niya ng banyo ay wala na sa kam
