“MAYA?” tawag ni Yoshin.
Tumahip na nang husto ang dibdib ni Maya dahil sa kaba. Kahit anong pilit niya ay ayaw maalis ng singsing sa kan’yang daliri. Narinig malamang ni Yoshin ang tinig niya kaya bigla itong naghanap. Hindi na niya malaman ang gagawin.
Muli siyang sumilip sa labas at namataan niya si Yoshin na pumasok ng banyo. May pagkakataon na siyang umalis pero hirap pa rin siyang tanggalin ang singsing sa kan’yang daliri. Nagmadali na siyang lumabas ng kuwarto at nagtungo sa kusina.
Nilagyan niya ng mantika ang singsing at maingat na hinugot mula sa kan’yang daliri. Sa wakas ay naalis na ito.
“Lintik ka! Matatanggal ka lang pala pinahirapan mo pa ako!” kausap niya sa singsing.
Sinabon niya ang singsing upang maalis ang mantika. Pagkuwan ay ibinulsa muna niya ito at inasikaso a
