NILAPITAN ni Maya si Yoshin at sinundot ng hintutro sa tagiliran nito. Napalundag ang binata sa pagkagulat at marahas na humarap sa kan’ya.
“F*ck you, Maya!” nanggagalaiting singhal nito sa kan’ya. Hindi na maipinta ang mukha nito sa inis.
Tawa naman siya nang tawa kaya lalong umasim ang mukha ng binata. “Ano’ng iniisip mo, ha?” amuse niyang usisa.
“I’m resting,” anito. Nilagpasan siya nito at lumapit sa round table na yare sa bato. Binalikan nito ang iniwang pineapple juice na nasa baso saka sinimsim.
“Bukas ng umaga na ako maglalaba. Ipunin mo ang labahin mo,” aniya. Nagwalis na siya ng mga dahon.
“Ako maglaba,” anito.
“Eh, wala tayong washing machine. Marunong ka ba maglaba na manu-mano, iyong kamay lang ang gamit?”
“We will buy the machine later.”
“May pasok ako sa bar mamayang
