“MAGANDANG umaga mga Kuya, Ate! Ano po sa inyo? Marami kaming kakanin para sa almusal!” tanong ni Maya sa grupo ng magsasaka na huminto sa tapat ng tindahan nila lulan ng jeep.
Alas-singko pa lang ng umaga ay nagbukas na siya ng tindahan na katapat lang ng bahay nila, sa may gilid ng gate. Pinagawa niya ang tindahan na iyon para negosyo. May bigasan din sila at mga gulay, isda na tinda roon. Sari-sari na rin ito.
Bumili ng malulutong ulam ang mga magsasaka. May pakyaw palang aanihing palay ang mga ito. May mga tinapay na nakabalot din siyang paninda at kung anong pang-araw-araw na kailangan ng mga tao. Mabenta rin ang mga kakaning luto ng kaniyang Tiya Josie, na nakababatang kapatid ng nanay niya na biyuda rin pero walang anak. Katuwang na nila ito sa pag-aalaga sa kan’yang ina.
Nagisin
