TINAPOS lang ni Maya ang huling kanta at kaagad na umuwi. Ngunit pagdating niya ng bahay ay wala si Yoshin. Wala rin ang kotse nito. Ni hindi ito nagsabi sa text kung saan ito pupunta. Napa-paranoid na siya. Inisip niya na baka biglang susugurin ni Yoshin si Craig at uusigin.
Naisip niyang puntahan sa condo nito si Craig upang matiyak na naroon si Yoshin. Ngunit kung kailan paalis na siya ay saka dumating si Yoshin lulan ng kotse. Si Bernard pa rin ang driver nito. Ang bilis nitong bumaba ng kotse pero nilagpasan lang siya. Dumiretso na ito sa kuwarto.
Sinundan na niya ito sa kuwarto. “Bakit hindi ka pa natulog? Saan ka galing?” tanong niya.
“Don’t pretend you didn’t do stupid things behind my back, Maya!” nanggagalaiting sabi nito habang naghuhubad ng damit.
“Si Craig na naman? Inaami
