NATURAL na sa amin na kapag bumibisita si Philip sa bahay ay inaalok na din namin na sumabay sa amin kumain. Paghatid niya kasi sa akin sa mansion ay hapunan na. Umakyat ako para magbihis samantalang siya ay kausap ni Mommy sa dining area.
Pagbalik ko ay naroon na si Belinda sa tabi niya. Nagdire-diretso ako ng lakad at umupo sa harap nila. Huli ko na napansin ang hinilang upuan ni Philip. Naitikom ko ang bibig ng tahimik niya iyong binalik. Ngumiti lang si Mommy pero walang sinabi. Si Belinda naman ay sumulyap lang at binalingan ang katulong para lagyan ang baso niya ng tubig.
"Alright! Since we're complete. Shall we start our dinnner? Mamaya pa uuwi ang Daddy mo dahil kasama niya si director." Bumaling sa akin si Mommy para sabihin iyon.
"Oh, okay po," sabi ko. Ramdam ko ang panay sul
