HUMALUKIPKIP ako habang abala na si Philip sa pagmamaneho. Panay ang sulyap ko sa kanya pero ang suplado! Baka dahil sa trabaho. Nag-aalangan tuloy ako kung kakausapin ko ba dahil mukhang hindi siya masaya. Kasi kung oo, edi sana kinakamusta niya ko. Kinakausap. Kaso hindi.
Bahala siya. Balak ko na sanang matulog nang marinig ko siyang magsalita.
"I'll wake you up when we're home," aniya at hindi ako sigurado kung malamig ba ang boses niya o sadyang natural na tono lang iyon.
Dahil sa sinabi niya kaya nagkaroon ako ng lakas ng loob para magsalita. Umayos ako ng upo at binalingan siya.
"Akala ko nasa kapitolyo ka? Bakit ka napadpad sa Laguna? Tsaka sa susunod... hindi mo na kailangan magsabi kay Daddy na susunduin mo ko. Sabi na nga kasing si Charles ang maghahatid, eh..." mahina kong s
