Nakahiga ako paharap sa asawa ko na mahimbing na natutulog. Naalala ko na naman ang sinabi ni Almira na hirap matulog sa gabi si Alwin kaya umiinom siya ng sleeping pills. Nangilid ang luha ko. Naisip ko ang mga pinagdaanan naming mga pagsubok.
Buong akala ko talaga ay hindi na kami magiging maayos. Buong akala ko ay hindi niya ako magawang mahalin, pero nagkamali ako.
Bumuntong hininga ako para pawiin ang paninikip ng aking dibdib.
Bago ko pa man maisipang yakapin at halikan ang asawa ko ay nagpasya na akong bumangon. Hahayaan ko na muna siyang makapagpahinga ng mabuti.
Hayaan mo, hubby, may katabi ka ng matulog. Hindi mo na kailangan pang uminom ng sleeping pills.
I am here now. We are here for you.
Kumuha ako ng underwear ko at tshirt ni Alwin sa closet. Pinadaanan ko ng aki
