"Sana kasama mo ako noong nagbuntis ka. Noong nanganak ka. Sana kasama mo ako sa mga gabi na napupuyat ka sa pag-aalaga sa kaniya."
Siniksik niya ang ulo niya sa leeg ko. Tipid akong ngumiti. Nakaupo kami sa couch habang pinagmamasdan si Amora na busy sa paglalaro. Tuwang-tuwa siya sa mga bagong laruan na binili ng lolo at lola niya.
Umalis na sila pagkatapos naming magsalo-salo sa snacks. Hahayaan na daw muna nila na magkaroon kami ng family bonding. Nakiusap sila na kung puwede sa mansyon kami umuwi sa mga susunod na araw.
Sabik na sabik sila sa apo. Overwhelmed naman si Amora sa mga atensyon na natatanggap niya.
Finally, may pamilya na siyang matatawag. Hindi man ako nagkulang sa pagmamahal sa kaniya sa mga nagdaang taon pero alam kong iba pa din talaga kapag mayroon siyang buo na
