"Sa study room lang ako, wife." Tumango ako at hindi na sumagot pa dahil baka magising si Amora. Kakapikit lang niya pagkaubos na pagkaubos niya ng kaniyang gatas.
Alas-nuebe na ng gabi, late na siya natulog dahil nawili sa pakikipaglaro sa daddy niya.
Nang masiguradong mahimbing na ang tulog niya ay kinumutan ko na siya at iniwan sa kama.
Ipagtitimpla ko muna ng kape ang asawa ko bago ako matulog.
Pinadala niya sa sekretarya niya ang lahat ng mga papeles na kailangan niyang pirmahan kaya naman magpupuyat siya ngayong gabi para matapos ang mga 'yon dahil magbabakasyon kami.
Pagbaba ko ng hagdanan ay nagtaka ako kung bakit nakabukas pa ang ilaw sa kitchen.
Nagkumpol-kumpol ang mga maid na tila may importanteng pinag-uusapan. Kaya naman laking gulat nila ng tumikhim ako.
"Sorry,
