Naging maayos ang pakikitungo sa akin ni Alwin sa mga sumunod pa na mga araw. Hindi namin napag-uusapan ang estado namin pero nagkakaroon naman kami ng kasuwal na pakikitungo sa isa't-isa. Medyo naigagalaw na niya ng maayos ang kaniyang kamay. Hindi ko na siya kailangang subuan.
Pang-limang araw na niya ngayon dito sa private room dito sa ospital. After three days makakauwi na daw siya.
Sa paglagi niya dito sa ospital hindi din niya hinanap ang celphone niya. Hindi ba niya gustong makausap ang kasintahan niya s***h kabit?
Bakit ba naghahanap ako ng negatibo?
Dahil tapos na ang lahat ng exams ko ay hindi na ako pumapasok sa school. Clearance na lang ang kailangan kong gawin sa sunod na mga araw.
Nagbabasa ako ng dokumento ng tumunog ang celphone ko. Hindi registered ang caller kaya
