Mhina
"D-Daemon... P-Paano ka nakapasok dito?" Kaagad din akong kumalas mula sa pagkakayakap niya ngunit ilang sandaling napatitig sa hitsura niyang basang-basa ng ulan.
Namumula at namamaga ang mga mata niya tanda nang pag-iyak.
Hindi niya naman ako sinagot ngunit andoon ang emosyon sa kanyang mukha at mga mata niya habang nakatitig sa akin.
"B-Baka umakyat dito sila Mama at makita ka." Kaagad akong bumaba ng kama at mabilis na lumapit sa pinto. Siniguro ko itong naka-lock.
Napababa ang paningin ko sa sahig na basang-basa at may mga bakas pa ng putik ng mga paa. Nagmula iyon sa bintanang nakasara hanggang sa kinaroroonan niya, sa tabi ng kama ko.
Dumako naman ang paningin ko sa mga paa niyang walang sapin at puno ng putik. Nakaramdam ako ng awa para sa kanya.
"H-Halika, maglinis
