NAIDILAT ni Aaric ang mga mata nang marinig niya ang paghinto ng sasakyan mula sa labas ng pack house. Bumangon siya at lumabas sa balkonahe. Mula roon ay kita niya ang pagbaba ni Maximus mula sa driver seat at umikot ito sa shotgun seat para alalayang bumaba si Carmelita.
Humigpit ang pagkakahawak niya sa bakal na rehas pagkakita sa tagpong iyon. Kahit ilang beses niyang sabihin sa sarili na hindi dapat siya magselos dahil wala rin dapat ipagselos at lalong wala siya karapatan na magselos ay hindi niya mapigilan ang sarili na hindi masaktan.
Nagpakawala siya ng isang marahas na buntong-hininga bago bumalik sa loob ng kwarto at muling nahiga sa kama. Maghahating gabi na, pero hindi pa rin siya dinadalaw ng antok dahil lutang parati ang isip niya.
Mariin niyang naipikit ang mga mata nang
