Chapter Sixteen
"Pati singit ko talagang basa na," himutok ni Ate Aira. Ako na ang may buhat ng lagayan ng baon namin dahil naubos na rin naman namin ang laman. Tubig na lang ang natira.
"Hugasan mo na lang po kapag may tubig na para po hindi mamaho. Iyan po ang bilin ni ina sa akin. Malayo pa po ba?" parang kalsadang walang hanggang na ito. Nakahiwalay ba sa mundo ang bahay ng gobernador? Siguro kaya nakahiwalay dahil masama ang ugali niya at ayaw niyang makita ng mga kapitbahay o ng mga tao ang sama ng ugali niya.
"Tama! Tama!" biglang bulalas ko kaya si Ate Aira ay pinahinto ako sa paglalakad.
"Manika, nagsasalita ka nang mag-isa. Masamang pangitain iyan."
"Po? Bakit naman po? Saka may iniisip po kasi ako. Naisatinig ko lang po iyon."
"Kinakabahan na ako, Manika. Hindi magandang s
