Dalawang buwan na ang nakakalipas. Mabilis kaming naka-move on ni Manika sa pagkamatay ng aming anak. Pinilit namin kahit masakit ito para sa amin. Nagpaka-busy kami sa pagpunta sa iba't ibang lugar at pag-explore ng mga mapaglilibangan.
Heto nga at narito kami sa Hundred Islands, dito namin napiling mag-relax pagkatapos naming bumiyahe nang nakaraan sa Baguio City.
Dito lang naman sa Pilipinas ang nilibot namin. Saka na sa ibang bansa kapag nagkaroon na ako ng maraming oras para magbakasyon. Bitin na bitin kasi kami lagi ni Manika kapag pauwi na kami galing ng bakasyon.
Ang trabaho ko kasi sa opisina ang humaharang sa akin. Nahihiya na rin kasi ako na lagi akong nakikisuyo kay Uncle Daniel para siya ang um-attend sa mga meeting ko. May iba rin kasi siyang inaasikaso at isa pa matanda n
