Isang malakas na hagulgol ang ginawa ko nang marinig ang sinabi ni Sir Nicholo. Bakit naman gano'n? Bakit kailangang madamay ang inosenteng baby namin sa katarantaduhan ng ama ko? Bakit hinayaan ng Diyos na mawala siya sa amin at kaagad niya na bawiin?
"P-Patawarin mo ako, baby. Ako ang may kasalanan nito kaya binawi sa atin ang anak natin," lumuluhang saad ni Sir Nicholo.
Basang-basa ng luha ang kanyang mukha habang nakatunghay sa luhaan ko ring mukha.
Ang sakit. Akala ko mas wala ng sasakit pa ang pagtalikod sa akin ni Sir Nicholo noon. Mas masakit pa pala na malaman kong namatayan kami ng anak. Ang sakit, sobra. Para akong tinutusok ng milyung-milyong punyal sa dibdib ko.
"Don't say that, Nic. It is all my fault. Kung sana maaga kong inamin sa iyo ang lahat. 'Di sana'y hindi tayo um
