Nag-enjoy pa ako sa aking panaginip nang biglang may malakas na kumatok sa labas. Mabilis akong bumangon upang tanungin kung ano ang kailangan ng lalaki sa akin. Malinaw naman sa usapan namin noong nakaraang gabi na hindi niya ako gigisingin at itext na lamang.
Pagbukas ko ng pintuan, kaagad na bumungad sa akin ang nakangiting mukha ni Samer. Bagong paligo ito kung pagbabasehan ko ang kanyang namamasang buhok ngunit pwede rin naman na winisikan lang niya ito ng tubig upang magmukhang basa.
“Good morning honeybunch!” Masigla niya akong binati ngunit hindi ako ngumiti sa kanya. Pinanindigan ko ang aking plano na maging istrikto pagdating sa kanyang panunuyo. Ayokong magkamali ulit kaya todo ingat ang kailangan.
“Maaga pa, Sam.” Sabi ko sa kanya at
