Dalawang araw pa lang kami ni Mariz sa San Agustin ngunit gusto ko ng bumalik kaagad sa siyudad. Natakot kasi ako na baka bumalik si Eugenio at muli akong guluhin sa hotel. Nangamba ako na baka makarating pa kay Samer ang kaguluhang nangyari sa loob ng hotel. Sus, nakakahiya talaga ang ginawa ni Eugenio. Kaya lang, mukhang tama naman si Omar eh na matagal na at mas makabubuti raw sa akin kung papatawarin ko na lang si Eugenio.
“Mariz, ano’ng masasabi mo sa ginawa ni Eugene kanina?” Tinanong ko si Mariz habang kumakain kami ng hapunan.
“Cute siya,” sagot ni Mariz.
“Ha? Hindi naman kita tinanong eh kung cute ba siya o hindi, ang labo mo namang kausap!” Iningusan ko si Mariz kasi ang layo ng sagot niya sa aking tanong. “Teka, may gusto ka k
