"Hello, Lester."
Nakaupo ako sa malambot na sofa habang hinihintay si Veronica at ang mga anak ko sa pagbibihis. Ipapasyal kasi namin ang mga bata ngayon. Hindi kasi natuloy si Venice sa field trip dahil napuyat sa panonood ng mga kpop dance at movie na paborito niya. Dahil nai-cancel ko na ang lahat ng mga meetings ko ngayong araw kaya family bonding muna ang priority ko ngayon.
"Bakit ka napatawag, nandito ako sa bahay," sagot ko kay Mathew.
Wala ka pala sa office. Gusto ko sanang itanong sa iyo kung anong balita sa babae na nakasuot na belo?"
"Hanggang ngayon walang makapagturo kung sino siya. Masyadong malinis siyang magtrabaho kaya walang naiiwan kalat."
"Akala ko ba si Zyrus ang pinaghihinalaan mo?"
"Iyon ang hinala ko ngunit walang makuhang mabigat na ebidensya laban sa kanya
