"Mom, sino ang sasama amin ni Kuya bukas?" tanong sa akin ni Venice.
Nasa living room na kaming lahat at nanonood ng movie. Katatapos lang kasi naming kumain ng dinner, kaya nagpapahinga kami bago pumunta sa kanya-kanyang kuwarto.
Nagkatinginan kaming dalawa ni Lester. "Bakit anong meron bukas?" takang tanong ko.
"Hindi n'yo po alam? Bukas na po ang field trip namin."
"Bukas na ba iyon?" tanong ko kay Lester.
Nagkibit-balikat si Lester. "I don't know."
"Mommy, hindi talaga kayo nagbabasa ng email ng teacher namin, kaya hindi n'yo alam bukas na ang field trip namin." Bakas sa mukha ni Venice ang inis.
Nakalimutan ko na ang araw ng field trip dahil sa babaeng nakasuot ng itim na belo. Nagkaroon pa naman ng meeting ang mga magulang noong nakaraang buwan kung papayag kami sa field tri
