Dalawang linggo simula nang magkausap kami ni Indigo ay lagi niya na akong tinitext o di kaya'y tinatawagan kapag makakasama niya si Dalha. May kaunting selos akong nararamdaman dahil buong dalawang linggo na hindi ko nakasama si Indigo. Wala naman akong magawa kundi ang intindihin ang sitwasyon dahil maging ako'y naaawa kay Dalha.
"Huwag kang mag-alala, narinig ko sa usapan nila na lilipat sa dati kong pinapasukan si Dalha. Nakatanggap siya ng scholarship doon. Matalino naman siya kaya makakaya niya iyon." Mahabang sabi ni Trip habang inilalagay sa harap ko ang burger na in-order namin.
Nasa isang snack house kaming dalawa. Niyaya niya akong lumabas. Natanggap na pala siya sa trabahong in-apply-an. Nagtataka nga ako eh, kay Indigo naman siya magtatrabaho pero dumaan pa rin siya sa pro
