Hindi ko na mabilang kung ilang beses na akong nagpakawala ng buntong-hininga. Kanina pa akong natapos sa pag-iyak. Nakarami na nga ako ng cookies na ginawa ni Kismet, pero hanggang ngayon kinakabahan pa rin ako.
Nakatanggap ako ng text mula kay Trip. Hinahanap daw ako ni Indigo nang malaman niyang pumunta ako sa kanila kanina.
"Ayos ka na ba? Parang kanina ka pa hindi mapakali." Taas ang dalawang kilay na tanong sa akin ni Kismet. Tumango lamang ako saka muling kumagat sa bagong kuhang cookie.
Ilang sandali'y narinig namin ang pagbukas ng pinto. Lalo akong sinalakay ng kaba. Hindi ko alam kung bakit ako kinakabahan gayong ako naman itong nag-inarte kanina.
Mabilis na ininom ko ang gatas na inabot ni Kismet. Napapangisi na lamang ito habang tinitingnan ako.
"Alam mo, para kayong m
