DERALD
"Paniguradong nakoronahan na bilang Hari si Cosmos nang hindi alam ni Falkor," ani Fernando na kanina pa nagbibigay ng kuro-kuro patungkol sa posibleng naganap sa Phorian noong wala kami.
"Hindi imposible iyon, baka sinamantala nila ang kawalang-malay ng inyong Ama, Prinsipe Derald upang mapagtagumpayan ang planong iyon. Talagang napakalaki ng ipinagbago niya, para bang hindi rin siya taga rito. Maiintindihan ko pa ang kaso ni Prinsipe Derald dahil talagang nagbuhat siya sa ibang mundo, pero kung titingnan din si Prinsipe Cosmos na dati'y napakabait at hindi makabasag pinggan na binata—napakalayo na ng ugali niya ngayon," ani Pranses.
Hindi ako kumibo dahil binalikan ko ang unang araw na nagkita kaming dalawa ni Cosmos sa mundong ito. He's still the same person for me noong una,
