COSMOS
"Sa unahan na ako mananatili, Kamahalan. Iiwan ko sa iyong puder si Barba at Creo upang may magbantay sa iyo," ani Menuk. Tumango ako lang ako sa kanya tapos umutal ng simpleng pasasalamat.
Dahil may kakayahan silang lumutang sa ere, hindi na nila kailangan pang sumakay ng kabayo. Sa bandang gilid, kita ko si Ripley na patungo sa aming direksyon. Hindi maipinta ang mukha nito na animo'y tunay na nalulungkot sa aking pag-alis.
Tsss... alam kong sa loob-loob mo ay nagbubunyi ka na dahil marami kayong pagkakataong maglampungan ng iyong kasintahan.
Naloko mo man ang lahat sa galing mo sa pag-arte, hinding-hindi ang mga mata ko. Well, kailangan kong magtimpi. Pagbalik ko rin naman dala ang mga hiyas, eh, ako mismo ang papaslang sa kanyang lihim na kasintahan. Hindi ako papayag na may
