COSMOS
"Hayyyy~~Kumusta naman ang pakikipaglaban mo sa kamatayan, aking Ama? Hindi ka pa rin ba napapagod?" bungad kong bati sa natutulog na nilalang. Ilang araw na ba siyang nakaratay?
Dalawang linggo...
Tssss...masyado naman na atang matagal iyon.
"Ina, akala ko ba binibigyan ng gamot araw-araw ang matandang ito? Bakit hanggang ngayon hindi pa rin siya namamatay?" tanong ko, hindi nilingon ang babae sa aking likuran.
Hinaplos nito ang aking balikat at inihilig ang baba roon.
"Hindi ako maaaring magkamali, araw-araw nakakatanggap ng gamot ang iyong Ama. Marahil ay dahil sa biyaya ng asul na hiyas sa kanyang katawan kaya hindi siya mamatay-matay. Pero wag na nating problemahin iyon, ang mahalaga hindi niya nalalaman ang lahat ng ito. At isa pa, ano pang magagawa niya? Ikaw na ang Ha
