“CAN we start now?”
Napakurap-kurap si Sky Jewel nang marinig ang boses ng civil registry official. Noon lang niya napagtanto na kanina pa pala sila nagtititigan ni Reese.
“Let’s go,” wika nito sa kaniya nang makabawi rin.
Napakislot pa ang dalaga nang hawakan siya nito sa siko at iginiya palapit sa lamesa. Saglit naman niyang sinulyapan at nginitian ang mag-asawang katiwala bago siya humarap sa magkakasal sa kanilang dalawa ni Reese. Tinanguan at nginitian din siya nina Aling Rosa at Mang Gaston.
“Let’s start the ceremony,” sabi pa ni Reese. Nilingon siya nito at napalunok siya nang magtama ang kanilang mga mata.
Ramdam ni Sky Jewel na dumoble ang bilis ng t***k ng puso niya sa mga oras na iyon. “S-sige.” Iniwasan niya ang tingin ng binata na tila nanunuot hanggang sa kaniyang mga
