“REESE! Where are you?”
Hindi alam ni Sky Jewel kung pang-ilang tawag na niya iyon sa pangalan ng binata. Pero wala pa ring sumasagot. Ilang minuto na rin siyang pasikot-sikot sa kagubatan. Tinitiis na nga lang niya ang takot na baka may makasalubong na naman siyang malaking buwaya. Saglit siyang sumandal at nagpahinga sa malaking punongkahoy nang makaramdam siya ng hingal. Pagkatapos ay saka siya nagpatuloy sa paghahanap.
Nag-aalala kasi siya rito.
Paaano kung nakain na pala ito ng buwaya? O kaya ay nahuli pala ito ni Boss o ng mga tauhan nito? Tapos ikinulong o kaya ay mas malala pa roon?
Pero what if hindi naman talaga siya napahamak? mayamaya ay wika ng isipan ng dalaga na ikinatigil niya sandali. Paano kung siya pala talaga si Boss at bumalik na siya sa kabilang isla?
Bago pa m
